درود شریف پڑھنے کے فائدے،اللہ پاک آپکے رزق میں برکت اور فراوانی ہوگی

درود شریف پڑھنے سے اللہ تعالیٰ کے حکم پر عمل ہوتا ہے۔ دس نیکیاں لکھی جاتی ہیں ۔ دس گناہ معاف کردییجاتے ہیں ۔ دس درجات بلند کردیے جاتے ہیں ۔ دعاسے پہلے درود شریف پڑھنے سے دعا کی قبولیت کا امکان زیادہ ہوتا ہے۔ اذان کے بعد کی مسنون دعا سے پہلے درود شریف پڑھا جائے تو قیامت کے روز

آنحضور صلی اللہ علیہ وسلم کی شفاعت نصیب ہوگی۔ درود شریف کثرت سے پڑھنے سے پریشانیاں ٹل جاتی ہیں ۔ قیامت کے روز نبی کریم صلی اللہ علیہ وسلم کا قرب نصیب ہو گا۔ درود شریف پڑھنے سے مجلس بابرکت ہو جاتی ہے۔ جب انسان نبی کریم صلی اللہ علیہ وسلم پر درود شریف بھیجتا ہے تواللہ تعالیٰ فرشتوں کے سامنے اس کی تعریف کرتا ہے۔ درود شریف پڑھنے والے شخص کی عمر اس کے عمل اور رزق میں برکت آتی ہے۔ درود شریف کے ذریعے نبی کریم

صلی اللہ علیہ وسلم سے اپنی محبت کا اظہار ہوتا ہے۔ درود شریف پڑھنے سے دل کو ترو تازگی اور زندگی ملتی ہے۔ آخر میں اللہ رب العزت سے دعا ہے کہ وہ ہم سب کو رسول اللہ صلی اللہ علیہ وسلم کے تمام حقوق ادا کرنے ، آپ صلی اللہ علیہ وسلم کی اطاعت کرنے اور آپ صلی اللہ علیہ وسلم سے سچی محبت کرنے کی توفیق دے ۔ اور روزِ قیامت ہمیں آپ صلی اللہ علیہ وسلم کی شفاعت اور آپ کے ہاتھوں حوضِ کوثر کا پانی نصیب کرے ۔ آمین ثم آمین انَّ اللّٰہَ وَ مَلٰٓئِکَتَہٗ

یُصَلُّوۡنَ عَلَی النَّبِیِّ ؕ یٰۤاَیُّہَا الَّذِیۡنَ اٰمَنُوۡا صَلُّوۡا عَلَیۡہِ وَ سَلِّمُوۡا تَسۡلِیۡمًا﴿33:56﴾ بےشک اللہ اور اس کے فرشتے پیغمبرﷺ پر درود بھیجتے ہیں مومنو! تم بھی پیغمبرﷺ پر درود اور سلام بھیجا کرو